Алматыда шанда бір кезігетін автокөлік сатылады. 2006 жылғы BMW Z4M иесінің сөзіне сенсек, ол Қазақстанда жалғыз екен. Мұндай машинаны біздің ел ғана емес, басқа мемлекеттен де табу оңай емес. 2006 және 2008 жылдар аралығында купенің бар болғаны 1714 данасы шыққан, алғашқы жылы 380-і ғана конвейерден түсті.
Z4M 3.2 литрлік атмосфералы S54-пен жүреді. Мұндай мотор кезінде E46 шанақты М3 капотының астына қойылған. 6 сатылы механика қораппен жұмыс істейтін агрегат 343 ат күші мен 365 Нм момент береді.
Модельдің қарапайым Z4-тен айырмашылығы көп. Спорткупе M3 E46-дан күштік құрылыммен бірге басқа да компоненттер алды. Рөл күшейткіш өзінікі. Қарапайым Z4-ті марка электр күшейткішпен ұсынғанда, Z4M-нің классикалық рөлді гидрокүшейткіші болды.
Алматыда тұрған модель 95 мың км жол жүріпті, хабарландыру мәтінінде машина түпнұсқа комплектациясын сақтап қалғаны және техникалық жағдайы мінсіз екені жазылған.
Бағасы — 30 млн теңге. Айта кетерлігі, ол 2 литрлік турбомоторы бар су жаңа Z4 sDrive 30i родстерінен 3 млн теңге қымбат.
Комментариев: 0