Kolesa.kz порталында 35 млн теңге тұратын Toyota Land Cruiser 80 сатылып жатыр. Бұл көліктің нарықтағы ең қымбат «сексендік» атануына ықпал етті. Бағасы тізімде өзінен кейін тұрған машинадан екі есе, «Престиж» нұсқасындағы жап-жаңа LC Prado-дан бірнеше миллион жоғары.
Land Cruiser 80 — жақсы сақталған уақыт капсуласы емес, мамандар жетілдірген темір тұлпар. Автомобильге Mickey Thompson дискісін, 35 дюймдік Cooper Discoverer STT PRO шинасын, экспедициялық жүксалғыш, Thule боксы, шноркель, тент-маркиза және қосымша жарық техникасын орнатқан. Салонында BMW X6 орындықтары тұр, ал артында жататын орын, жүксалғышта өзгеше аудиожүйе бар.
Капот астына модельдің J100 индексті ізбасарынан алынған 4.7 литрлік V8 қойыпты. Жол талғамайтын көліктің белдігінде түсіңкі конустық тегершіктер жұбы тұр екен, бірақ беріліс саны белгісіз.
Хабарландыру мәтінінде «Капитан» атты автокөлікті құрастыруға екі жыл кеткені жазылған. Қазір Таразда тұрған машина 5000 шақырым жол жүріпті. Бұл Land Cruiser одометріндегі тюнингтен кейінгі көрсеткіш сияқты.
Комментариев: 0