Kolesa.kz-те электрлі Hummer сатылады

Kolesa.kz-те көзге түскен GMC Hummer EV-дің суреті мен сипаттамасына назар аударсақ, электромобиль Алматыға келгенін байқаймыз.

Америкалық пикап — Қазақстанда ғана емес, әлемде сирек кездесетін көлік. Өндірісі 2021 жылдың аяғында басталған, былтыр марка клиенттеріне 850 машина ұсынды. Көлік иесінің сөзіне сенсек, бұл машина елімізге биыл ақпанда келіпті.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Электрокар 1014 ат күшіне ие үш электромотормен жабдықталған. Агрегат жүріс қоры 563 шақырымға жететін Ultium батареясынан қуат алады. Батарея 10 минутта темір тұлпардың жүріс қорына 160 км қосады. Hummer EV трансмиссиясының бір артықшылығы — Crab Walk режимінде көлденең қозғалуында.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Ірі машинаның жабдықтар тізімі ауқымды, ол цифрлы аспаптар панелі, медиажүйенің 13.4 дюймдік экраны, 14 динамигі бар Bose аудиожүйесі, үш аймақты климат-бақылау, Super Cruise круиз-бақылауы, бірқатар электрлі көмекшілер мен айналаны түгел шолып, тіпті көліктің түбін көрсететін көптеген камерадан тұрады.

Көліктің қазіргі иесі GMC Hummer EV үшін 115 млн теңге, яғни, 252 мың доллар сұрап отыр. Компания 2020 жылы қазанда АҚШ-та модельді таныстырғанда ешқандай опциясы жоқ түрі 112 мың доллар тұрады деген.

Электропикаптың салмағы 4.1 тоннаға жуық, Қазақстан аумағында бұндай машинаны жүргізу үшін заң бойынша C1 категориялы куәлік алу керек.