Электрический Hummer представлен официально

Электрлі Hummer ресми таныстырылды

Бойында 1000 аттың күші бар пикап алғашқы жүздікті үш секундта еңсереді.

General Motors электрлі Hummer-ді көрсетті. Ірі пикап сырттай H2 мен H3-ке және HX концептісіне ұқсайды. Дизайнерлер жан-жағына көлік атауын аямай жазыпты. Логотиптерді алдынан, артынан, бүйірінен, тіпті артқы шам мен жүксалғыш қақпағынан да кездестіресіз.

Мамандар көліктің жол талғамайтынын айтты. Машинаға 35 дюймдік дөңгелек орнатылған, бірақ қаласаңыз 37 дюймдік дөңгелекке ауыстыруға болады. Астыңғы бөлігі темірмен қорғалған. Одан бөлек, пикап қосымша 15.3 см-ге көтеріле алатын бейімді аспамен және Crabwalk режимінде қозғалуға мүмкіндік беретін толық басқарылатын шассимен жабдықталады.

Салонның алдыңғы бөлігінде жалпақ консоль бар, оның үстінде 13.4 дюймдік экраны бар мультимедиа кешені тұр. Тағы бір дисплей аспаптар панелінің қызметін атқарады. Инженерлер батырмадан бас тартпау жөнінде шешім қабылдапты, олардың саны тым көп.

Электрический Hummer представлен официально

Hummer EV электронды көмекшілерге бай. Сыртына орнатылған камералар да аз емес. Кейбірі тіпті көліктің астыңғы бөлігін түсіреді. Бұл жолсыз жермен жүргенде үлкен көмек береді.

Электрический Hummer представлен официально

Hummer EV Ultium батареясы мен электромотордан тұратын күштік құрылым арқылы қозғалады. Мамандардың сөзінше, машина небәрі 10 минутта қуатталады, сондықтан жүріс қоры 160 шақырымға артады.

Электрический Hummer представлен официально

2021 жылдың күзінде алғаш болып сатылымға бойында 1000 аттың күші бар және 1085 Нм айналу моментін беретін ең қымбат Edition нұсқасы шығады. Алғашқы жүздікті үш секундта еңсеретін темір тұлпардың қуаты 563 шақырым жол жүруге жетеді. Бұл көліктің бағасы — 112 мың доллар.

Тағы бір жылдан кейін 800 аттың күшіне ие және жүріс қоры 480 км көлік қолжетімді болмақ. Ол 100 мың долларға сатылады. Ал 625 ат күшін беретін 80 мың долларлық ең қарапайым нұсқасы тек 2024 жылдың көктемінде жарық көреді.

Комментариев: 0

Чтобы оставить комментарий, вам необходимо зарегистрироваться или авторизоваться.