Kolesa.kz-те ақпанда саудаға шыққан қызық көліктер

Kolesa.kz сайтындағы 182 мыңнан астам хабарландыру арасынан жолда сирек кездесетін өте қызық модельдер табылып жатады, тіпті біздің өңірде бір экземпляры ғана бар нұсқасы кездеседі. Осындай бес көлікті көрсетеміз.

152 млн теңге тұратын Ford F-550 Super Duty (2020)

Стандарт F-550-дің өзі қалада нағыз құбыжық сияқты көрінеді, ал үшінші ось қосылған және ұзындығы мен биіктігі айтарлықтай артқан машина мүлде бөлек әңгіме. Автомобильді АҚШ-та Diesel Brothers пен Sparks Motors тюнерлері бірлесіп жасаған және бұл гигант тюнердің YouTube арнасындағы бейнероликте көзге түсті. Пикап қазір Алматыда.

Машина қуатты бамперлермен, Rigid қосымша жарығымен, шатырға орнатылатын Addictive Desert Design жүксалғышымен, King аспасымен және 22 дюймдік дискіге қапталған 40 дюймдік Nitto шинасымен жабдықталған.

1 / 17

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 17

Көлік 6.7 литрлік турбодизельмен жүреді. Стандарт конфигурацияда агрегат 482 ат күшін және 1424 Нм момент береді. Күштік құрылымның тюнингтен өткен-өтпегені белгісіз, бірақ алты дөңгелегі де айналатыны белгілі, ал сұйық отын ұлғайған кастомдық бакта сақталады.

Автомобиль небәрі 7000 шақырым жүрген.

25 млн теңге тұратын Mercedes-Benz SL65 AMG (2005)

Біз материалды жариялаған уақытта Kolesa.kz сайтында R230 индексті бір ғана SL65 AMG болды. 2005 жылғы родстер 75 мың шақырым жүрген және Астанада сатылып жатыр. Иесі көлік үшін 25 миллион теңге сұрап тұр.

1 / 5

• 
• 
• 
• 
• 

1 / 5

SL65 екі турбинасы бар 6 литрлік V12 M275 AMG моторымен жабдықталған, агрегат 612 ат күшін (1000 Нм) береді. Сол уақытта өндіруші артқы жетекті автомобиль алғашқы жүздікті 4.2 секундта еңсереді деген мәлімет берді, бірақ журналистер сынақтан өткізгенде әлдеқайда жылдам жүрген (3.6 секунд).

Қазақстандағы бұл темір тұлпардың тарихы белгісіз, бірақ хабарландыруда мына сирек кездесетін SL өте жақсы сақталғаны жазылған.

22 млн теңге тұратын Lynk & Co 03 (2022)

Алдымен бұл тюнингтен өткен Zeekr 001 емес екенін айта кеткен жөн. Geely-ге тиесілі Қытайдың Lynk & Co брендінің 03 индексті седаны Қазақстанда көп кездеспейді. Kolesa.kz сайтында үш хабарландыру бар, оның екеуін тапсырыспен алуға болады, ал соңғысы бізді қызықтырған көлік. Бұл қарапайым Lynk & Co 03 емес, оның ең қызық модификациясы. Атауында «+» қана емес, Cyan Racing қосымшасы бар, осылайша оның қуатты нұсқаға жататынын білуге болады. Бұл кезінде Polestar Racing деп аталған Volvo машиналарын жақсартумен айналысқан команданың атауы.

1 / 9

• 
• 
• 
• 
• 
• 
• 
• 
• 

1 / 9

Машина CMA платформасында жасалған, капот астындағы 265 ат күшін және 380 Нм момент беретін 2 литрлік бензинді турбомотор 8 сатылы автомат қораппен және толық жетекпен жұмыс істейді. Автомобиль мықты Akebono тежеуіштерімен, карбон элементтері бар аэродинамикалық бастырықпен, Bilstein аспасымен және Michelin Pilot Sport 4S шинасымен жабдықталған. Бұл нұсқа «Нордшляйфе» трассасын 7:20:143 минутта жүріп шықты, оны BMW M4 CSL-мен салыстыруға болады.

8050 шақырым жүрген седан Алматыда тұр.

12 млн теңге тұратын Mercedes-Benz E 230 (1977)

Шымкентте 1977 жылғы W123 индексті танымал Mercedes-Benz седаны сатылады. 123-ті сирек деп айту қиын. 1976-1986 жылдары бұл көліктің 2.7 миллион данасы шыққан, 2.4 миллионға жуығы седан болды. W123-ті тамаша жағдайда табу жыл сайын қиындап барады, ал мына автомобиль жақсы сақталғандардың бірі.

1 / 28

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 28

Қазақстандағы жалғыз иесінің айтуынша машина елге 1995 жылы келген. «Мерседес» демалыс күндері жүріп, құрғақ гаражда сақталыпты. Бөлшектері мен бояуы мінсіз күйде. Коррозия жоқ. Одометр 220 мың шақырым көрсетіп тұр.

E 230 кезінде 109 ат күшін (186 Нм) берген 2.3 литрлік карбюраторлы M115 қозғалтқышымен жүреді. Қозғалтқыш артқы дөңгелектерді айналдыратын механикалық қораппен жұмыс істейді.

9 млн теңге тұратын Smart ForTwo (2014)

Бестікті Brabus-тың 31 мың шақырым жүрген екінші буын Smart ForTwo ситикары түйіндеді. Алматыда тұрған бұл модель Kolesa.kz сайтындағы ең қымбат ForTwo.

1 / 28

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 28

Хабарландыру авторының айтуынша 451-шанақты соңғы көлік толық комплектацияда және мінсіз жағдайда. Иесі машинаға тек түпнұсқа бөлшектер орнатқан және салонның, ұсақ-түйек салатын жәшіктің жарығы, W213-тен алған жүксалғыш плафоны сияқты бірнеше дүние қосыпты.

Артқы жетекті Smart ForTwo бір литрлік турбомотормен және робот қораппен жабдықталған.