Kolesa.kz-те көп жүрмеген ескі «Прадик» сатылады

Kolesa.kz-те J120 индексі бар өте қызық Toyota Land Cruiser Prado туралы хабарландыру жарияланды. 2007 жылғы көлік ең алдымен бағасымен көзге түсті. 32 млн теңгеге бағаланған автомобиль нарықтағы 120-лар арасында ең қымбаты. Құны орта есеппен 137 % жоғары.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Автомобильдің құнына үздік комплектациядағы 4 литрлі V6 моторы мен 7 орынды салонынан бөлек, жүрісі аз болуы әсер етті. «Прадик» 3156 шақырым жүргендіктен оны жаңа деуге де болады.

Иесінің айтуынша Land Cruiser Prado-ны 2007 жылы Алматыдағы ресми дилерден сатып алып, сол кезден бері пайдаланбаған.

Анықтама ретінде: Toyota Land Cruiser Prado J120 2002 жылы жарық көрді, бірақ модельді әзірлеу 1997 жылы басталған. Бір жылдан кейін брендтің Франциядағы студияда еңбек еткен дизайнерлері сырт пішінін жасауға кірісті. Осындай Прадик 2009 жылға дейін жасалып, орнына 150-інші модель келген. Басқа елдерде 2.7 және 4 литрлік бензинді қозғалтқышпен және 3 литрлік бірнеше дизельмен сатылады. Lexus GX топтамасын әзірлеуге Prado J120 түрткі болды.