Kolesa.kz-те 27 жыл бір адам мінген Land Cruiser 80 сатылады

Kolesa.kz порталында 27 жыл бойы бір адамның қолында болған Toyota Land Cruiser 80 сатылып жатыр. Иесі машинаны 1995 жылы жаңадан сатып алыпты.

Суреттен көліктің жақсы сақталғанын көруге болады. Land Cruiser шноркель, қуатты бампер, арка кеңейткіш сияқты жолсызбен жүруге арналған атрибуттармен жабдықталмапты. Автомобиль стандартты көрінеді.

1 / 5

• 
• 
• 
• 
• 

1 / 5

Салоны да негізінен түпнұсқа күйде сақталған, тек есіктегі динамик өзінікі емес. Хабарландыру авторы музыка тыңдау үшін Bluetooth қолдануға болатын сапалы құрылғы орнатылғанын жазыпты.

1 / 5

• 
• 
• 
• 
• 

1 / 5

Жол талғамайтын көлік нұсқасына қарай 190-215 ат күшін (363-373 Нм) беретін 4.5 литрлік қатарлы 1FZ-FE моторымен жүреді. Агрегат 5 сатылы механика және толық жетекті жүйемен жұмыс істейді.

Хабарландыруда 27 жастағы Land Cruiser 80 қанша жол жүргені көрсетілмепті. Иесі техникалық жағы туралы да көп ақпарат бермеген. Бағасы — 19.9 млн теңге.