Kolesa.kz-те 1000 ат күшіне ие Jeep сатылады

Kolesa.kz-те WK индексті Jeep Grand Cherokee сатылады. Бұл атауында SRT-8 қосымшасы бар модельдің әлдеқайда қуатты нұсқасы. Егер стандарт SRT-8 қуаты 425 ат күшіне тең 6.1 литрлік V8 Hemi-мен жүрсе, мына көліктегі қозғалтқыштың көлемі 7 литрге дейін артқан. Моторын Pulsar компаниясы шығарған ірі турбокомпрессормен жабдықтапты.

Үшінші буын өкілінің қабілеті таңғалдырады. 1500 күшке дейін бере алатын қозғалтқышты мамандар APR, CP және Compstar компоненттерін, профилі агрессивті кастомдық үлестіруші вал қолданып жинаған. Агрегатқа жанармай 1200 текшелі бүріккіштер мен үш сорғы арқылы жетеді, турбокомпрессор ауаны әр цилиндрге 92 мм дроссель көмегімен кіргізеді.

1 / 10

• 
• 
• 
• 
• 
• 
• 
• 
• 
• 

1 / 10

Барлық қуат пен айналу моменті Paramount Performance шығарған автомат қорап пен Dana 44 қиылмаған артқы белдігі арқылы беріледі. Аспасына Eibach және Bilstein компоненттерін қолданған. Ал машинаны тоқтатуға Audi R8 тежеуіштері жауапты.

Қазір автомобиль 1000 күш беруге бапталған екен, бірақ иесі 700 не 800 ат күшін беретін карталарды да ұсынады. Мотордың жағдайын жергілікті дрифтер Александр Бочкарёв жасаған eDash көмегімен қадағалауға болады.

1 / 5

• 
• 
• 
• 
• 

1 / 5

Хабарландыруда машина 6000 шақырым жүрген деп жазыпты, бірақ ол тек күштік құрылымға қатысты сияқты. Өйткені SRT-8 одометрі 158 мың миль көрсетіп тұр.

Автомобильдің бағасы — 20 млн теңге.