«Қазақстан Республикасының кейбір заңнамалық актілеріне салық салу мәселелері бойынша өзгерістер мен толықтырулар енгізу туралы» заңының жобасын тағы да қоғамдық талқылауға салды. Құжатқа сай, ҚР-на әкелінетін қозғалтқыш көлемі үш литрден асатын жеңіл көліктер мен пикаптарға (мүгедектерге арналған арнайы қолмен басқару және қолмен басқару адаптерімен жабдықталған көліктерден басқа) және шағын автобустар, автобустар мен троллейбустарды қоспағанда, 10 және одан көп адамды тасымалдауға арналған моторлы көлік құралдарына салынатын акцизді қозғалтқышының текше сантиметрі үшін 100-ден 200 теңгеге дейін көтеру жоспарланған.
Шенділер ұсынған заң қабылданар болса, акциз мөлшерінің өсу себебінен қозғалтқыш көлемі үш литрден асатын автокөліктер ең кемі 300 мың теңгеге қымбаттайды. Мысалы, қозғалтқышы төрт литрлік Toyota Land Cruiser Prado-ның құны 399 800 теңгеге артса, Land Cruiser 200 460 800 теңгеге қымбаттайды.
Сонымен қатар, ел азаматтарының өзге тұлға үшін салық, өсімпұл, айыппұл төлеп, бюджеттік төлемдер жасауына заңмен рұқсат берілмек. Бұрында бұл норма Салық кодексіне енбегенмен, іс жүзінде болған еді.
Комментариев: 0