Оңтүстік астанада бүгін 07:00-де жауын жауа бастады. Синоптиктердің айтуынша, жауынның арты қарға айналады, әсіресе таулы аймақтарда. Жолдың бетінде мұз қатып, көктайғақ болады. Мұндай кезде жолға шыққан аса қауіпті. Алматы қаласының Жасыл экономика басқармасы қала тұрғындарына жеке көліктің орнына қоғамдық көлікпен жүруге кеңес береді.
Жеке көліктен бас тарту мүмкін болмаған жағдайда, қозғалыс жылдамдығын бәсеңдетіп, автокөліктер арасындағы қашықтықты ұзартуға және кенет бұрылыс жасаудан аулақ болуға шақырады. Жол бетіне мұз қатуының алдын алу мақсатында коммуналды қызметтер тәулік бойы жұмыс атқарады.
Бүгін көктайғақ салдарынан жол мамандарының Алматы — Қапшағай тас жолын жабуына тура келді.
Комментариев: 0