AParking көп ұзамай Алматыдағы ақылы тұрақтарда дифференциалды тариф қолданыла бастайтынын хабарлады. Алдымен Көк базар маңындағы, дәлірек айтсақ мына жол бөліктеріндегі тұрақ ақысы қымбаттайды:
- Мақатаев көшесі, Пушкиннен Қалдаяқовқа көшесіне дейін;
- Жібек жолы даңғылы, Пушкин көшесінен Қалдаяқов көшесіне дейін;
- Зенков көшесі, Жібек жолы даңғылынан Гоголь көшесіне дейін;
- Зенков көшесі, Мақатаев көшесінен Жібек жолы даңғылына дейін;
- Пушкин көшесі (шығыс жағы), Мақатаевтан Жібек жолы даңғылына дейін.
Жаңа тариф 2021 жылы 1 наурыздан бастап іске қосылады. Ол бойынша баға сағатына 100 теңгеден 150 теңгеге өседі. Компания мұндай шешім осы маңдағы автотұрақтардың үнемі толып тұруына байланысты қабылданғанын атап өтті. Олардың айтуынша, өткен жылы Көк базар маңындағы автотұрақта көліктердің тұру уақыты орта есеппен үш сағат болған. Бұл басқа базарларға қарағанда екі есе көп. Кептеліс кезінде тұрақтар 100 % толып тұрады. Талапқа сай әрқашан автотұрақтың 20%-ы қолжетімді болуы керек.
AParking бағаның өсуі базарға келушілерге еш әсер етпейтініне сенімді. Олар осы арқылы көлігін күні бойы базар маңына қалдырып кететін жүргізушілерден арылмақ.
Айта кетейік, Алматыдағы тұрақ ақысын Kolesa.kz мобильді қосымшасы арқылы төлеуге болады.
Комментариев: 0