Британия басылымдары Amazon Prime арнасындағы The Grand Tour телешоуы соңғы арнайы шығарылымынан кейін жабылуы мүмкін екенін хабарлады. Оның жүргізушілері Джереми Кларксон, Ричард Хаммонд және Джеймс Мэй басқа салмақты жоба жасауға ниеттеніп отыр деген ақпарат бар. Олар Top Gear шоуына қайта оралуы да ғажап емес.
Инсайдерлер атақты жүргізушілер қатысатын The Grand Tour бағдарламасының соңғы арнайы шығарылымы 2024 жылы жарық көретінін айтты. Түсірілім аяқталды, ол Зимбабведе өткен, жүргізушілер бағдарламада Lancia Montecarlo, Ford Capri және Triumph Stag көлігін пайдаланды.
Оңтүстік Африкадағы шығарылымнан кейін британиялық жүргізушілер әлемнің әр түкпірінде түсірілім жасауды тоқтататын уақыт келді деп шешті. Оның үстіне жастары да біразға келді, Ричард Хаммонд — 52, Джеймс Мэй — 60, Джеззе 63 жаста. Кларксон, Хаммонд және Мэй шоу рейтингі төмендемей тұрып жобадан кетуді жоспарлап отыр. Amazon әйгілі трио кеткен соң да бағдарламаны сақтап қалу мүмкіндігін қарастырып жатыр.
Атақты жүргізушілер жұмыссыз қалмайды. Мысалы, Джереми Кларксонның Clarkson’s Farm атты танымал жобасы бар, ал Джеймс Мэй реставрация жасайтын шеберхана ашып, оны телешоуға айналдыруға тырысып жатыр.
Атақты Top Gear шоуы жабылған соң арада бір апта өтпей The Grand Tour да тоқтайтыны жайлы ақпарат шықты. Осыған қарап жұрт Кларксон, Хаммонд және Мэй өз еліне оралады деп болжап отыр. Жанкүйерлер екі оқиға бір-біріне байланысты екеніне сенімді.
Комментариев: 0