Кішкентай «Гелендваген» дәстүрлі мотор алуы мүмкін

Компания G-Class топтамасына бізге жақсы таныс әдеттегі геликтің жаңа нұсқаларын ғана емес, baby-G атты су жаңа модельді де қосты. Оның алғашқы тизерін былтыр қыркүйекте көрсеткен.

1 / 7

• 
• 
• 
• 
• 
• 
• 

1 / 7

Жуырда фототыңшылар камуфляжбен қапталған автомобильдің прототипін суретке түсіріп алды. Мұндай машинаның талайы камераға ілінген, ал бұл жолғысы өзгеше. CarBuzz басылымы капот астында іштен жанатын қозғалтқыш тұр деп жазды. Қызығы, бір жыл бұрын CES-те марканың техникаға жауапты директоры Маркус Шефер baby-G тек электромобиль болады, оған басқа мотор орнатпаймыз деген.

Компания күллі әлемде электрокар алатындар азайғанын ескеріп, жоспарын өзгерткен сияқты. Нақты ақпаратты жыл аяғында, модеьдің тұсаукесерінде жария етеді.