Kia жаңарған K5-ті көрсетті

Kia жаңарған K5-ті көрсетті

Бренд Оңтүстік Кореяда алдын ала тапсырыс қабылдай бастады.

Kia өз елінде K5 седанының жаңарған нұсқасын таныстырды. Машина сырттай жаңа оптикасымен, басқа бамперімен және түрленген жүксалғыш қақпағымен ерекшеленеді.

Kia раскрыла обновлённый K5

Салонда бір планшетке біріккен 12.3 дюймдік екі экраны бар медиажүйе, климаттық жүйені басқаратын блок пен саусақ ізінің сканері назар аудартады. Қазақстан жолдарында жүрген K5 иелері автомат қораптың иінтірегін шайбаға ауыстырғанын байқапты, бірақ бұл жаңалық деуге келмейді, өйткені марка 2019 жылдан бері әр елдегі көліктеріне осындай селектор қоя бастаған.

Kia раскрыла обновлённый K5

Күштік құрылымында өзгеріс болмайды. Оңтүстік Кореяда седан бензинді, гибрид және газбен жүретін моторлармен сатылады. Олардың қуаты 146-195 ат күшіне жетеді. Инженерлер аспа серіппелері мен амортизаторларын біраз өзгертіпті.

Жаңарған автомобильдің бағасы 27.8 млн воннан (шамамен 9.8 млн теңге) басталады. Қазақстанда рестайлингтен өтпеген Kia K5-тің ең арзаны 14 млн теңге тұрады. Бұл ақшаға 150 ат күшін беретін 2 литрлік қозғалтқыш орнатқан көлік аласыз. Ал одан қуатты (194 а.к.) 2.5 литрлік мотормен жүретін GT Line нұсқасын таңдасаңыз, 18.5 млн теңге жұмсауға тура келеді.

Комментариев: 0

Чтобы оставить комментарий, вам необходимо зарегистрироваться или авторизоваться.