Фототыңшылар жаңарған Kia K3 суреттерінің кезекті топтамасын жариялап үлгермеді. Өйткені біздің нарықта Cerato деген атпен танымал автомобиль ресми көрсетілді.
Бірақ қазір қолда бары тек фотосуреттер ғана. Компания түрленген машинаның техникалық жағына қатысты ақпаратты құпия сақтап отыр. Сыртынан қарағанда жаңарған K3-ке шағын радиатор торы, басқа бампер және жаңа оптика орнатылғанын байқауға болады. Седан бұрынғы K5 моделіне сәл ұқсайтын секілді.
Көпшілік күткендей салонға цифрлы аспаптар панелі мен мультимедиа кешенінің үлкен экраны қойылған. Соңғысының көлемі 8-ден 10,25 дюймге үлкейді. Салондағы тағы бір жаңалық ретінде электронды қолтежегішті айтуға болады.
Жаңа ақпаратқа сенсек, K3-тің ресми таныстырылымы сәуірдің соңында өтеді. Аталған іс-шарада мотор гаммасын қоса алғанда, седан туралы барлық мәлімет айтылады. Әзірше машинаға 1,5 литрлік турбомотор орнатылады және iMT «ақылды» механика қорабы болады деген болжам бар.
Комментариев: 0