Kia сериялы EV5-ті ресми таныстырды

Чэнду қаласында өтетін автосалон басталмай тұрып, Kia батареялы EV5-тің суреттерін жариялап, кейбір мәліметтерді бөлісті.

Сырт пішіні EV9 электромобиліне ұқсайтын көліктің дизайны әлдеқашан белгілі болған. Модельдің тауар түріндегі нұсқасын Қытай Өнеркәсіп министрлігі тамыздың ортасында көрсетті. Бірақ ол кезде шенділер интерьер суретін жарияламаған.

1 / 4

• 
• 
• 
• 

1 / 4

Ресми суреттерден EV5-тің сырты да, іші де EV9-ға қатты ұқсайтынын байқауға болады. Екі автомобильде де 12.3 дюймдік экраны бар медиажүйе мен аспаптар панелін біріктірген планшет, астында шағын климат басқару пульті және төрт шабақты рөл бар.

Kia дизайнерлері көліктің ішін жобалағанда EV5 кроссоверін сатып алатындардың көбі автомобиль салонын үйінің бір бөлігі ретінде қарастыратынын ескерген.

1 / 4

• 
• 
• 
• 

1 / 4

Мамандар интерьерге қонақ бөлмедегі сияқты материалдар қолданған, алдыңғы креслолар диванға көбірек ұқсайды. Екеуінің арасындағы шынтақ тіреуішті көтерсе, қосымша отыратын орын пайда болады. Көмекші электроника ескертпелерін жүргізушіге хабарлап отыратын бапталатын атмосфералық жарық орнатқан.

Бренд жаңа модельдің техникасы туралы ақпарат бермеді. Бірақ аспан асты елінің Өнеркәсіп министрлігі бұл мәліметті де назардан тыс қалдырмаған. Kia EV5-тің негізінде BYD өндірген литий-темір-фосфатты Blade батареясы (82 кВт·сағ) мен 217 ат күшін беретін (310 Нм) электромоторы бар E-GMP платформасы жатыр. Кроссовердің жүріс қоры — 600 шақырым. Келешекте екі моторлы нұсқасы шығуы мүмкін.

EV5 Қытай нарығына жыл аяғына дейін шығады. Ертерек қарашада алдын ала тапсырыс қабылдау басталады деген ақпарат тараған болатын.