Kia Mohave өндірісі тоқтады

Kia биыл жазда Хвасондағы зауытта Mohave шығаруды тоқтатады деп жазады ET News. Жол талғамайтын көлік Kia топтамасына 2008 жылы қосылған, Kia модельді ескірді деп санаған сияқты. Mohave моделінің тікелей ізбасары болмайды.

Өткен айда Kia небәрі 250 Mohave сатты, ал Sorento-ның 7.8 мың данасы өтіп, марканың ең танымал кроссовері атанды. Сұраныс төмен болумен қатар Mohave топтамада болса, Kia-ның орташа отын шығыны туралы статистикасы бұзылады. Сол үшін компания модельді жаңартудан бас тартып, өндірісін тоқтатуды шешті.

1 / 6

• 
• 
• 
• 
• 
• 

1 / 6

Енді марка Sorento өндірісін кеңейтіп, қосымша Tasman пикапын шығарады. Бренд жаңа өнімді әлі ресми таныстырған жоқ, бірақ ол келер жылы ақпанда конвейерге тұратыны белгілі. Kia 2025 жылы 65 мың пикап шығаруды жоспарлап отыр. Tasman өз елінде ғана емес, Аустралия, Оңтүстік Африка және Таяу Шығыс елдерінде саудаға түседі.

Жаңа Kia Sorento суадасы Қазақстанда сәуірдің ортасында басталған. Kia Кореяда негзінен гибрид нұсқасын сатады, ал біздің елде кроссовер 179 ат күшіне ие 2.5 литрлік атмосфералы бензинді мотормен жүреді. Мұндай Sorento-ның бағасы 18.69 млн теңгеден басталады. Кейін елге 8 сатылы автоматпен жұмыс істейтін 249 ат күшіне ие 3.5 литрлік моторы бар нұсқасы келеді.