Kia камуфляжбен қапталған Tasman пикабын көрсетті

Камуфляждағы Kia Tasman прототиптері бірнеше ай бойы әртүрлі елдің көшелерінде кезіп жүргеніне қарамастан, компания Mitsubishi L200 және Toyota Hilux-тың болашақ бәсекелесі бар екенін ресми түрде биыл сәуірдің бірінші жартысында мойындады. Жақында Kia камуфляжбен қапталған пикаптың өндіріске дейінгі нұсқасын көрсетті.

Компания Жаңа Зеландиялық суретші Ричард Бойд Данлоппен бірлесіп жасаған жаңа камуфляждың жасау тарихымен бірге ерекше пленкадағы машинаны бейнероликте көрсетті.

Бренд көліктің дизайн ерекшеліктері немесе техникалық сипаттамасы туралы ешқандай жаңа ақпарат бермеді, бірақ кішірек камуфляждың арқасында енді пикаптың алдыңғы жарық техникасы қалай орналасқанын көруге болады. Модельдің жарық шамдары бір-бірінен алыс, дөңгелек аркасын кеңейткіште орналасқан сияқты.

1 / 3

• 
• 
• 

1 / 3

«Тасманның» жаңа прототиптері жолға шығып үлгерместен желіде жаңа суреттері мен бейнероликтері тарады, соның ішінде салоны түсіп қалған видео пайда болды. Пикаптың интерьері екі 12.3 дюймдік экранмен, екі сымсыз қуаттағышы бар үлкен ортаңғы тоннельмен, рөл жаққа ауысқан қорап селекторымен, желдету, электрлі реттеу және жад функциясы бар орындықтармен және т.б. жабдықталады.

Kia Tasman саудаға 2025 жылы шығады. Модельдің негізгі нарығы Аустралия болады, бірақ компания оны шетелге, соның ішінде Жаңа Зеландия мен Оңтүстік-Шығыс Азия елдеріне сатуды жоспарлап отыр.