Тас жолда ғана жүйткитін автокөлікке мұндай қауіпті трюк жасаудың не қажеті бар деген сұрақ көпті мазалайды. Мұның жауабын Kia Motors America-ның маркетинг жөніндегі директоры Рассел Вейджер берді. Оның сөзінше, K5 орта көлемді седандар категориясы бұрын соңды көрмеген деңгейде шығады.
Темір тұлпардың бір рампадан екіншісіне 360 градусқа бұрылу арқылы секірген сәті Emmy Awards-тың 72-рәсімінде көрсетілді. Трюк жасау үшін К5-тің мотор бөлігі мен астына қорғаныс жасалды, қауіпсіздік қаңқасы, жарыс орындығы, көп нүктелі белдік орнатылды және қауіпсіздік жастықтары жерге қатты түскенде қосылып кетпес үшін өшірілді. Автокөлік қажет жылдамдықты тез алу үшін мамандар 290 ат күші мен 422 Нм айналу моментін беретін 2.5 литрлік T-GDi турбомоторымен жабдықталған үздік GT түрленімін таңдаған. Мұндай К5 алғашқы жүздікті 5.8 секундта еңсереді.
Қазақстанға 2.5 турбо жеткізілмейтіні белгілі. Біздің нарыққа арналған Kia K5-тің ең мықты нұсқасына 194 ат күшіне және 246 Нм айналу моментіне ие 2.5 литрлік мотор орнатылған. GT-Line+ жиынтығындағы бұл модельдің бағасы 14.6 млн теңгеге дейін барады.
Комментариев: 0