Kia EV6 электромобилі ЕЭО аумағында сатылады

Росстандарт базасында Kia EV6 моделіне арналған Көлік типін мақұлдау пайда болды. Бұл кореялық марка электромобильді ЕЭО аумағында сатуды жоспарлап отырғанын білдіреді.

Құжатта біздің елде EV6-ның бір электр моторы бар артқы жетекті және екі моторлы толық жетекті түрлері сатылатыны жазылған, бірақ күштік құрылымның қуатына қатысты мәлімет жоқ. Модельге 168-ден 577-ге дейін ат күшін беретін мотор орнатылуы мүмкін. Бір моторлы кроссовер 500 шақырымды еркін еңсерсе, екі моторлы машинаның жүріс қоры 543 шақырымға жетеді.

Құжат 2022 жылы 31 тамызда күшіне енеді. Демек машина осы күзде нарыққа шығуға тиіс. Айта кетерлігі, Kia электромобильді Ресей тұрғындарына былтыр ұсынбақ болған. Марка жергілікті дилерлер көмегімен өнімін Мәскеу мен Санкт-Петербургте саудалауды, сонымен қатар қуаттау желісін салуды жоспарлаған еді.

Kolesa.kz редакциясы Kia EV6 кроссоверін елорда жолдарында сынаған. Тест-драйвты YouTube-тегі арнамыздан көруге болады.