Кеше кешке Алматыда жауған қар кептеліске себеп болды

Оңтүстік астанада қар 16:00-де жауа бастады. Бәрі жұмыстан қайтатын уақытта 11 балдық кептеліс туындады.

Кешкі қарбалас басталғанға дейін коммуналдық қызмет мамандары не істегені белгісіз. Kolesa.kz редакциясы орналасқан Гагарин даңғылында тазалағыш көліктер көрінбеді. Тек кешкі сағат 9-да әкімдік сағат 20.00-де қаланы 367 техника, оның ішінде 148 құм себетін машина тазалағаны туралы хабар таратты. Мегаполисте он бір қатар болып қар тазалайтын техника жұмыс жасапты-мыс.

1 / 3

• 
• 
• 

1 / 3

Әлеуметтік желіде жолдың жағдайы туралы бейнероликтер тарады.

Кейбіреулер қатынаудың басқа жолын тауыпты.

Полиция мәліметінше Алматыда бір тәулікте 22 жол апаты болған. Сағат 22:00 шамасында Kolesa.kz редакциясының тілшілері жолдарда қар қалғанын айтты. Мұндай жолмен жүру өте қауіпті болды. Түнге қарай жердегі қар мұзға айнала бастады.

1 / 5

• 
• 
• 
• 
• 

1 / 5

Бүгін таңертең көшелер қардан тазаланбаған да.

1 / 4

• 
• 
• 
• 

1 / 4

Қалың қар жауған кезде неліктен 761 техниканың 367-сі ғана жолға шықты деген сұраққа «Алматы Тазалық» директорының орынбасары Нұрлан Сәтбаев 367 көлік құм себумен және күреу жұмыстарымен айналысты, ал қалғаны бүгін қар шығарады деп жауап берді.

Сәтбаевтың айтуынша, коммуналдық қызмет көліктері түні бойы жұмыс істеп, көшелерді екі рет тазалап шыққан. Алайда басылып қалған қарды щеткамен тазалай алмаған.

Неге онда қарды техникамен қырып алмай, халықты қауіпті жолмен жүруге мәжбүрледі деген сұраққа директордың орынбасары анық жауап қатпады.