Соңғы бірнеше жылда ұрланған көліктерді Канададан Батыс Африкаға тасымалдау белең алғаны бұдан ертерек айтылған, қылмыстық жолмен жеткен көліктер континент ішінде және Шығысқа таралады. Былтыр өзінің Porsche 911 GT3 RS көлігін жоғалтқан канадалық жүргізуші оның Дубайда сатылып жатқанын көріп таңғалды. Торонтода қолды болған жаңа GMC Yukon XL көлігі Apple AirTag арқылы Біріккен Араб Әмірлігінен табылды.
Машинаны қайтару қиындығы тасымалдаудан бөлек, бюрократиялық кедергілерге, соның ішінде әр елдің заңнама базасының сәйкес келмеуіне де байланысты.
Қылмыстық кәсіп үлкен табыс әкелетіндіктен, ұйымдасқан топтардың саны көбейген. Канада үкіметінің мәліметі бойынша елде ұрлық көрсеткіші өсіп келеді. 2022 жылы Квебекте өткен жылмен салыстырғанда 50 %, Онтариода 48.3 %, тіпті халық саны аз Атлантикалық Канадада және мегаполистер жоқ жерде 34.5 % өсті. Торонтода бір жылда 9600 көлік
Ресми тұлғалар 8 ақпанға жоспарланған барлық мүдделі тараптың ұлттық саммитіне үміт артып отыр. Оның мақсаты — автомобиль ұрлығымен күрестің кезең-кезеңімен орындалатын стратегиясын әзірлеу және бастамаларды жандандыру. Зардап шеккен көлік иелерінен басқа сақтандыру компаниялары бұған мүдделі. Олар 2022 жылы ұрланған көліктер үшін өтемақы ретінде 1.2 миллиард доллар төлеуге мәжбүр болды.
Комментариев: 0