Кабриолетке айналған G-Class

Біріккен Араб Әмірлігіінде орналасқан Venuum ательесі G-Class сияқты премиум автомобильдерді әрлейді. Түрленген машина Mastodon деп аталады. Шеберлер бастырықты ауыстырып, аспаны көтерумен шектелмей, классикалық жол талғамайтын көліктің сұлбасын ерекше тәсілмен жаңартуға тырысқан.

Компанияның соңғы туындысы — Mastodon V4 Convertible. Төбесі ашық G-Class үш есікті түрленімге негізделеді, ал Mastodon V4-ке бес есікті гелик донор болды. Дизайнерлер артқы есіктің пішінін түбегейлі өзгертіп, тіректің көлбеу формасын сақтап қалды.

V4 Convertible ательенің бұрынғы өнімдері сияқты өзгеше радиатор торымен, тікбұрышты жарықдиодты шамы бар алдыңғы жағымен ерекшеленеді. Автомобиль карбон бампермен және төмен профильді шинамен қапталған ірі дөңгелек дискімен жабдықталған.

Салоны ерекше стильде әрленген. Көрмеде тұратын экземплярда қара және сары түсті қаптама үйлесім тапқан, ал ортаңғы консоль карбоннан жасалған.

Venuum нақты қанша Mastodon V4 Convertible құрастыратынын жариялаған жоқ. Ательенің өндірістік мүмкіндігі мен көліктің жарты млн еуродан басталатын бағасын ескерсек, саны шекті болатыны анық.