JD Power зерттеулері 600 мыңнан аса автокөлік маркаларын қарастырып, миллиондаған адамның пікірлерін саралаған. Зерттеуші компания мамандары бірнеше параметрге сүйеніпті. Тек көлік иелерінің ойы ғана емес, автомобильдің құрастыру сапасы мен сенімділігі де ескерілген. Зерттеушілер дизайн жағын да назардан тыс қалдырмапты. Экологиялық нормаларды күшейту заманында үміткерлердің динамикалық сипаттамаларының да маңызы зор болды. Оған қоса, өз еңбектерінде мамандар үлгілердің қанша марапат алғандарын да есепке алыпты. Үлгілер 100 баллдық жүйемен бағаланған.
Нәтижесінде, әлемдегі ең үздік автокөлік ретінде 94 балл жинаған Porsche 911 аталды. Ал корейлік Genesis G90 седаны 93 баллмен екінші орынға тұрақтады. Қола жүлде 92 баллды иеленген Mercedes-Benz S-Class үлгісіне бұйырыпты.
90 баллға ие болған он үлгі төртінші орынды өзара бөліске салған. Бұлар Porsche-нің үш көлігі — Cayenne, Macan кроссоверлері мен 718 спорткары, қос Lincoln — жол талғамайтын Navigator мен Continental седаны, Lexus маркасының екі үлгісі — GS седаны және RX кроссовері, және тағы бір Genesis — G80. Сондай-ақ, BMW 7 Series пен Cadillac Escalade те үздіктер қатарынан көрінді.
Комментариев: 0