Группу воров-автозеркальщиков задержали в Алматы

Көлік айналарын қолды етіп жүрген ұрылар тобы Алматыда құрықталды

Полиция қызметкерлері көлік айналарын ұрлап, оны сатумен айналысқан қылмыскерлер тобын анықтады.

27 жасар Өзбекстан азаматы мен бұрын ұрлық үшін сотталған Алматы облысы, Ұйғыр ауданының 35 жасар тұрғыны бірлесе әрекет еткен көрінеді. Түн жарымда олар көліктердің айнасын шешіп алып, оларды Car City сауда орталығында сатушы болып жұмыс істеген 26 жасар алматылық сыбайластары арқылы сатып отырған. Сауда нүктесін тінту барысында тәртіп сақшылары 16 дана ұрланған көлік айнасын тәркілепті, бұл әлгілердің 16 түрлі қылмыстық эпизодқа қатысы барын білдіреді. Сөз реті келгенде айта кетсек, жуырда ғана Жандосов пен Гагарин көшелерінің қиылысындағы тұрғын үйдің жанында тұрақта тұрған бірнеше көліктің айналарын үптеп кеткен дәл осылар болатын.

 

View this post on Instagram

 

A post shared by @kris_p_almaty Official 🇰🇿🚔🔝 (@kris_p_almaty) on

Алматы қалалық ІІД-нің баспасөз қызметі хабарлағандай, қазіргі таңда жедел тергеу шаралары әлі де жалғасуда. Күдіктілердің жеке бастары барлық полиция есебі бойынша, оның ішінде басқа да бөтеннің мүлкін ұрлау істеріне қатыстылығы бойынша да тексеріледі. Қазір олар түсінік беруде.

Көлік айналарын қолды етіп жүрген ұрылар тобы Алматыда құрықталды

Комментариев: 0

Чтобы оставить комментарий, вам необходимо зарегистрироваться или авторизоваться.