Jetour жаңа JMK (Jetour Makers Kingdom) суббрендін таныстырды және сериялы модельдердің арнайы нұсқасын осы брендпен шығаруды жоспарлап отыр. Алғаш болып Қытайда T2 атауымен танымал Jetour Traveler кроссовері шығады. Оның жол талғамайтын модификациясын Silver Dragon Wing деп атады.
Қосымша аксессуарлардың көптігі жаңа көліктің жол талғамайтынын көрсетеді. Traveler/T2 бүктелетін сатысы бар экспедицияға арналған жүксалғышпен, ұсақ-түйек сақтайтын аспалы бокспен, жақсарған табалдырықпен және артқы шамға арналған қорғайтын тормен жабдықталды. Кроссоверге мықты бампер және ауа тартқышы бар капот орнатылған.
Техникалық жағынан негізгі өзгеріс — Traveler-ге зауыт орнататын балшықпен жүретін шинасы бар 20 дюймдік диск.
Қытайдағы Jetour Traveler Silver Dragon Wing 254 ат күшін беретін (390 Нм) 2 литрлік турбомотормен, 7 сатылы робот қораппен, толық жетекпен жабдықталады. Құны — 219 900 юань (13.75 млн теңге), ал 1.5 литрлік турбомоторы бар кроссовердің базалық нұсқасы Қытайда 139 900 юань (8.79 млн теңге) тұрады.
Қазақстанда Jetour топтамасына жеңіл көлік ретінде Dashing, X90, X70 кроссоверлері кіреді. T2 кроссовері Ресей нарығына шығуға дайындалып жатыр. Бренд 245 ат күшін беретін 2 литрлік турбомоторы бар үздік комплектациядағы кроссовер үшін 3.76 млн рубль (18.75 млн теңге) сұрайды. Биыл Traveler/T2 Қазақстандағы Jetour-дың модельдік топтамасын толықтыруы мүмкін.
Комментариев: 0