Пандемия бұл машинаның танымалдығына да аздап әсер етті. 2020 жылы АҚШ-та 201 310 Jeep Wrangler сатылған. Бұл алдыңғы жылғыдан 12 %-ға аз. Бірақ 2010 жылғы көрсеткішпен салыстырсақ, екі есе азайғанын байқаймыз. Екінші орынға әдеттегідей Канада орналасқан. «Үйеңкі жапырақтары елінде» 22 707 автокөлік сатылды. АҚШ пен Канада мәдени-географиялық ұқсастығы көп көрші ел, сондықтан бұған таңғалудың қажеті жоқ.
Канададан кейін Jeep көптеп сатылған сыртқы нарық Жапония болды. «Күншығыс елінде» шамамен 12 000 «вранглер» иесін тапты. Бұл таңғаларлық жағдай. Өйткені бұл елдің жол инфрақұрылымы өте жақсы дамыған, жол талғамайтын көліктерге сұраныс төмен. Жапондар көбіне шағын машиналарға қызығады, оның ішінде гибридтің алар орны ерекше. Халқы Жапониядан төрт есе көп Еуропада 2020 жылы 7000-нан астам Wrangler өз иесін тапқан. Осыдан-ақ америкалық брендтің Жапониядағы (Land Cruiser/Patrol/Pajero көліктерінің отаны) жетістігін бағалауға болады.
Jeep Wrangler-дің бағасы 5.18-6.38 миллион иен (20-25 миллион теңге) аралығында. Негізінен 30-ға толмаған жастар алады. Жапонияда биыл да аталған машина жақсы өтіп жатыр, 2021 жылдың соңына дейін модельдің 15 мың данасы сатылуы мүмкін.
Комментариев: 0