Jeep Wagoneer S-тің салоны белгілі болды

Күзде саудаға шығуға дайындалып жатқан Stellantis STLA Large шассиіндегі Jeep-тің электрлі люкс кроссоверінің құпиясы аз-аздап ашылып келеді. Кездейсоқ ақпарат тарап, сырт пішіні белгілі болды. Бұл жолы автоөндірушінің өзі салонын көрсетті.

1 / 3

• 
• 
• 

1 / 3

Жүргізуші мен жолаушы алдындағы панельге Grand Wagoneer-дегі сияқты біріккен төрт экран орнатыпты. Функциялар сенсормен басқарылады, түймесі бар болса да байқалмайды. Төменде амбиент жолағы жыпылықтайды.

Дизайнерлер басқару элементтері солға ығысқан жұмыр жиегі бар торлы өрнекпен безендірілген ортаңғы консольді өзгертті, ал стақан қойғыш оңға жылжыды. Екі бөліктен тұратын панорамалы шатыр жабық бөлмеден қорқатын адамдардың көңілінен шығады, ал өз сегментіндегі ең үздіктер қатарындағы 19 динамигі бар McIntosh аудиожүйесінен әнқұмарлар шабыттанады.

Компания көрсеткен суретте Jeep Wagoneer S-тің іші де, сырты да қара түсті. Black Edition десе болады.

1 / 3

• 
• 
• 

1 / 3