Биыл көктемде Лас-Вегаста өткен жабық конференцияда Stellantis концерні Солтүстік Американың дилерлеріне электрлі жетекті бірнеше модельді таныстырды. Арасында динамикасы және стилі көше талаптарына сай келетін Jeep Wagoneer S концептісі бар. Концерн машинаның сериялық нұсқасы 2024 жылы шығатынын растады.
Wagoneer S — STLA Large EV негізінде жасалған қымбат кроссовер. Екі моторлы комбинацияның арқасында барлық дөңгелек белсенді айналады. Қозғалтқыш қуаты 600 ат күшіне тең көлік алғашқы жүздікті 3.5 секундта алады. Жүріс қоры 600 шақырым деп жазды Autocar. Машинаның техникалық сипаттамасы BMW iX, Rivian R1S және Tesla Model X-пен бірдей.
Бес метрлік батареялы автомобиль 2024 жылы АҚШ-та, ал 2025 жылдан бастап Еуропа елдерінде оң жақ және сол жақ рөлмен ұсынылады деп хабарлады басылым өкілдері. Әзірге Jeep топтамасында Avenger шағын кроссовері ғана бар.
Комментариев: 0