Биыл JAC біздің елде ресми жұмыс істей бастағанына 10 жыл толады. Осы аралықта марка саудасын 2015 жылғы өте қарапайым (92 дана) көрсеткіштен былтыр 11 771 көлікке дейін жеткізді. Жыл сайын өз иесін тапқан автомобиль саны артып келеді, ал рейтингтегі орны
2025 жылы JAC былтырғы рекордтық көрсеткішін артта қалдыра ала ма, белгісіз. Биылғы бес айдың қорытындысы бойынша жеңіл көлік саудасы 3.65 % азайғанымен, коммерциялық техника (54 дана) жақсы өтіп жатыр, былтыр осы уақытта небәрі 9 болған.
Логотип
Компания өкілдері жаңа эмблема терең символизмге ие дейді. Трапеция пішіні Аньхой провинциясының символы — Лотос шыңын білдіреді, бұл —
Қазір жаңа логотипті тек ресми сайттан, жаңарған автосалон дизайнынан және бір көліктің капоты мен рөлінен көруге болады. Жаңа эмблема әзірге тек J7 лифтбэгінде тұр, бірақ алдағы уақытта басқа модельдерге, соның ішінде әлі жарық көрмеген көліктерге орнатылады.
Жаңа модельдер
Компания жаңа стильмен бірге топтамаға қатысты жоспарларымен бөлісті. Жақында Қазақстанға JS6 кроссоверінің гибрид нұсқасы, RF8 минивэні және E30X электромобилі келуі мүмкін.
JAC JS6 — бұрыннан таныс модель. Ұзындығы 4.6 метр, дөңгелек базасы 2.7 метр болатын бұл кроссовер елімізде бірнеше жылдан бері сатылып келеді. Ол 174 ат күшін беретін 1.5 литрлік турбомотормен, 6 сатылы роботпен жабдықталады. Бағасы 10.9 млн теңгеден басталады.
Гибридтің Қазақстандағы сипаттамасы әзірге белгісіз. JS6 Қытайда QX деп аталады, оның бензоэлектрлі модификациясы 110 күшіне ие 1.5 литрлік мотор мен 203 ат күшін беретін электромотордан тұрады, вариатор және 21.68 кВт·сағ батареямен жабдықталған. Жалпы жүріс қоры — 1300 км, электр қуатымен 120 км еңсереді.
JAC Refine RF8 — Қытайда 2023 жылы жарық көрді. Ұзындығы — 5.2 метр, дөңгелек базасы — 3.1 м. Автомобиль 252 ат күшін және 400 Нм момент беретін 2.0 литрлік турбомотормен және 8 сатылы автоматпен жүреді. Қытайда оның гибрид нұсқасы да бар, бірақ Қазақстанға ол әзірге келмейді. Салоны жеті орынды, екінші қатарда бөлек орындықтар бар.
JAC E30X — ұзындығы 4 метр, дөңгелек базасы 2.6 метр болатын ықшам электромобиль. Бренд оны алғаш рет 2023 жылдың сәуірінде көрсетіп, сол жылы жазда конвейерге қойды. Ол Yiwei 3 немесе EV3 ретінде танымал.
Машина бірнеше күштік құрылым алады. Ең әлсізі 82 ат күшін береді, ең қуаттысы 136 ат күшіне ие агрегат алады. Барлығы алдыңғы жетекті, бір моторлы. Жүріс қоры қозғалтқыш пен батарея түріне байланысты
JAC бұлар Қазақстанға қашан сатыла бастайтынын айтпады, бірақ автосалондарда биыл пайда болады деп үміттенеді. Дебюті жақындағанда бағалары да белгілі болады.
Комментариев: 0