Итке арналған Rolls-Royce

Иттің табан іздері бар Rolls-Royce Spectre Bailey-дің салоны Moccasin және Creme Light реңкті былғарымен және ағаш шпонмен әрленген. Интерьері Бейли есімді иттің түсіне сай жасалған.

1 / 8

• 
• 
• 
• 
• 
• 
• 
• 

1 / 8

Салондағы ең ерекше бөлшек — артқы орындықтардың ортасындағы иттің портреті. Ол сирек қолданылатын әрі көп еңбекті қажет ететін көне маркетри техникасымен жасалған. Панно жасау үшін мамандар 22 түрлі реңкті шпонның 180-нен астам кесіндісін өңдеп, құрастырған. Бұл жұмыс төрт айға созылыпты. Осылай безендіруге көліктің өзін жасағаннан ұзақ уақыт кеткен.

Rolls-Royce-тың сырт келбеті де Бейлиге ұқсайды. Шанағы арнайы Beautiful Bailey (иттің құлағындағы жүн түстес құбылмалы бояу) реңкі қосылған Crystal Fusion бояуымен боялған.

Cтандарт Spirit of Ecstasy орнына ит мүсіні жетпей тұр.

Техникалық жағынан Rolls-Royce Spectre Bailey өзгермеді. Төрт электромоторы 585 ат күшін және 900 Нм момент береді, ол 120 кВт·сағ батареядан қуат алады, онымен автомобиль 500 шақырым жүріп өтеді.

Компания өкілдері Spectre Bailey-ді «адалдықтың қуанышты көрінісі» деп сипаттап, болашақта өзге клиенттеріне де осындай машина жасап беруі мүмкін екенін айтты.