Бірінші буындағы Renault Logan-ның көшірмесі саналатын Renault Tondar L90-ның жақсарған нұсқасы конвейерге тұрады. SAIPA P90 деп аталатын модельге қажет қозғалтқышты концерн Тольяттиден алады.
Khodro Bank басылымы таратқан мәлімет бойынша қазір көлікке 90 және 106 ат күшіне ие 1.6 литрлік ВАЗ-11182 және ВАЗ-21129, сонымен қатар 122 күш беретін ВАЗ-21179 моторын орнату идеясы қаралып жатыр. Олар Иранда жасалатын Renault JHQ механикалық қорабының көшірмесімен жұмыс істейді.
Аталған елде Renault Tondar L90 өндірісін тоқтатуға 2018 жылы АҚШ-тың санкция режимін қатаңдатуы себеп болған. Бұл шара Renault-ны SAIPA-мен бірлескен жобадан бас тартуға мәжбүр етті. Ал 2020 жылы жергілікті компания P90 индексті седан әзірлеуді бастады.
Комментариев: 0