Infiniti сериялық QX65-ті көрсетті

Компания былтыр тамызда QX65 Monograph прототипін таныстырып, концепт сериялық өндіріске шығатынын, өз уақытында танымал болған Infiniti FX кросс-купесінің ізбасары болатынын айтқан. Марка дайын өнімді бірнеше айдан кейін ұсынуы керек еді, бірақ биыл наурыздың аяғында ғана көрсетті.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

QX65 шоу-кардан айтарлықтай ерекшеленбейді. Мамандар қарапайым дискілер орнатып, радиатор торының үстіндегі жарықдиодты жарықтан бас тартқан, оның орнына брендтің жанатын логотипі тұр. Компания QX65 гаммасына жаңа қызыл реңкті қосқанда GT-R-дің түсінен шабыт алғанын атап өтті.

QX65-тің өлшемдері QX60-пен шамалас, бірақ жаңа кросс-купе 10 мм ұзын. Бамперден бамперге дейінгі қашықтық — 5042 мм, дөңгелек базасы — 2901 мм.

1 / 7

• 
• 
• 
• 
• 
• 
• 

1 / 7

Екі өнімнің интерьері ұқсас. Салон архитектурасы үш қатарлы QX60 моделіндегідей. Алдыңғы панельде 12.3 дюймдік екі дисплей тұр, біреуі цифрлық аспаптар панелі. Алдыңғы әйнекке түсетін проекция да бар. Ортаңғы консольге сымсыз қуаттағыш жайғасты. Жабдықтар тізіміне жылытқыштар, алдыңғы орындықтарды желдеткіш, панорамалы шатыр, үш аймақты климат-бақылау, электр көмегімен бүктелетін артқы орындықтар, 20 динамикті Klipsch аудиожүйесі кіреді.

QX65 272 ат күшін беретін 2 литрлік турбомотормен және 9 сатылы автоматпен жабдықталған. Базалық нұсқада қозғалтқыш тек алдыңғы дөңгелектерді айналдырады, ал қымбат түрленім толық жетекті. Кейін топтамаға 304 ат күшіне ие 3.5 литрлік V6 қосылуы мүмкін, бірақ марка бұл ақпаратты ресми түрде растамады.

Infiniti QX65 АҚШ-тағы автосалондарға биыл жазда шығады. Бастапқы бағасы — 53 990 доллар. Үздік Autograph комплектациясының құны 62 590 доллардан басталады. QX65 Қазақстанда саудалана ма, белгісіз, бірақ үш қатарлы QX60 2026 жылдың аяғында келетіні анық.