Infiniti жаңа QX60 туралы ақпарат берді. Дизайнерлер минимализм стилін ұстанғандықтан, көлік алдыңғы буын өкілінен қарапайымдау көрінеді. Дегенмен модель марка тарихындағы алғашқы қос түсті машина атанады.
QX60 61 мм-ге (5034 мм) қысқарып, 1742-ден 1770 мм-ге биіктеді. Компания өкілдері бұл екінші және үшінші қатардағы жолаушыларға жайлы болу үшін жасалғанын айтады. Дөңгелек базасы — 2900 мм, ал жол саңылауы — 170 мм.
Салонда мультимедиа кешенінің 12.3 дюймдік планшеті көз тартады. Оның астында климатты басқаратын сенсорлы блок тұр. Көлік ішіндегі температура шайба арқылы реттеледі. Қарапайым көліктерге әдеттегі аспаптар панелі қойылады, ал қымбат нұсқалары 12.3 дюймдік цифрлы экранмен және 10.8 дюймдік проекциялық дисплеймен жабдықталады.
Алдыңғы орындықтардың артында тағы екі қатар бар. Екінші қатарға тапсырыспен бүтін диван немесе консольмен бөлінген жеке орындықтар орнатуға болады. Салонда сегіз USB-порт бар. Опциялар тізімі өте үлкен. Одан жүргізушіге арналған массаждан бөлек ProPilot Assist деп аталатын көмекшілер пакетін табуға болады.
Екінші буындағы Infiniti QX60 3.5 литрлік V6 моторын (299 а.к.) сақтап қалды. Бірақ 366 Нм момент дөңгелектерге 9 сатылы автомат арқылы беріледі. Толық жетек жүйесі де жаңарды. Енді муфта артқы осьті жылдамырақ қосады.
Infiniti QX60 2021 жылдың соңында АҚШ-та сатыла бастайды. Қазақстан нарығына да жетуі әбден мүмкін.
Комментариев: 0