Hyundai жақында жаңа Elantra-ны көрсетеді

Hyundai Оңтүстік Кореяда жаңа Avante-нің (бізде Elantra атауымен белгілі) сегізінші буынын таныстыруға дайындалып жатыр. Компания өкілдері автомобильді ресми премьерадан бұрын көрсетпекші. Жаңа өнімнің тұсаукесері жаздың аяғына дейін өтеді деген болжам бар.

Hyundai жақында жаңа <nobr>Elantra-ны</nobr> көрсетеді — The Korean Car Blog рендері

Модельдің техникалық сипаттамасына қатысты ресми мәлімет әзірге жоқ. Дегенмен АҚШ-та және басқа елдерде камуфляжбен қапталған Elantra-ның (Avante) прототиптері фототыңшылардың көзіне түсті. Суреттерге қарап тәуелсіз дизайнерлер көліктің рендерін жасады. Жаңа өнім бұрынғыдан қырлы дизайн алады. Артқы тіректе жаңа Grandeur-дегідей шағын терезе болады, алдыңғы бөлігіне жіңішке жарықдиодты күндізгі жүріс шамы жайғасады. Мамандар негізгі фараны бамперге ауыстырып, артына ерекше жарықдиодты шам орнатады.

Hyundai намекает на скорый дебют новой Elantra

Интерьердегі дисплейлер басқаша орналасады. Жүргізушінің алдында әйнекке жақын орналасқан ықшам аспаптар панелі тұрса, ортаңғы консольде Pleos OS операциялық жүйесімен және Gleo AI дауысты көмекшісімен жұмыс істейтін 17 дюймдік мультимедиа экраны болады. Жаңа Tucson да осындай құрылым алады.

Алдын ала мәлімет бойынша Elantra-ның мотор гаммасында 2 литрлік бензинді агрегат қалады. Марка қосымша 1.6 литрлік турбомотор мен жаңа гибрид күштік құрылым ұсынуы мүмкін.

1 / 8

Hyundai жақында жаңа Elantra-ны көрсетеді

Hyundai Elantra-ның прототипі

1 / 8

The Korean Car Blog хабарлағандай, Avante Оңтүстік Кореяда биыл шықса, АҚШ автосалондарына 2027 жылдың бірінші жартысында жетеді. Сегізінші буындағы Elantra Қазақстанға да келеді. Бұл седан Hyundai-нің еліміздегі ең танымал үшінші моделі. Қазір сатылып жатқан көлік 1.6 және 1.5 литрлік атмосфералық қозғалтқыштармен жабдықталады, бағасы 9.3 млн теңгеден басталады.

Еліміздегі автосалондар ұсынатын Hyundai Elantra-ның толық суреттерін Kolesa.kz-тегі «Жаңа көліктер» бөлімінен көре аласыз. Онда модельдің сипаттамасы, комплектациясы мен бағасы жазылған. Елдің түкпір-түкпіріндегі көліктер бір бөлімде жиналған.

Комментариев: 0