Автоөндіруші электромобиль өндірісін дамытуға баса назар аударатын секілді. Бұған дейін компания мотор әзірлейтін мамандарын қысқартты, енді сутекті көлік жасайтын бөлімін де жабады. Жергілікті The Chosun Ilbo басылымы сутекті қозғалтқыш дайындау қараша айында тоқтатылып, мамандар қысқартылатынын хабарлады.
Концерн басшыларының мұндай қадамға баратыны жазда белгілі болған. Ол кезде Hyundai-нің жалғыз сутекті моделі Nexo кроссовері жеңілдікпен сатыла бастады.2020 жылы 208, 2019 жылы 267 сутекті көлік өтті. Негізі олардың кемінде мыңнан астамы сатылуы керек еді.
Нарықтағы жағдай өзгеріп, адамдардың бәрі экологияға зиян келтіретін машинадан бас тартпайынша, жаңа технология дамымайды. Бұған дейін Honda сутекті көліктен бас тартқан, Toyota да сутегімен жүретін Mirai моделін өндіруде тығырыққа тіреліп тұр. Ендігі бар үміт осы бағытта жұмыс істеп жатқан қытай мамандарында.
Комментариев: 0