Hyundai қуатты Creta N Line-ды жаңартты

Үндістанда рестайлингтен өткен Hyundai Creta-ның қуатты N Line түрленімі жарық көрді, модель 1.5 литрлік турбомотормен жүреді, беріліс қорабының екі түрі бар. Базалық Creta N Line стандарт кроссовердің үздік комплектациясынан арзан болады.

1 / 7

• 
• 
• 
• 
• 
• 
• 

1 / 7

Жаңа түрленім әдеттегі «Кретадан» сырт пішінімен ерекшеленеді. Алдыңғы бамперде үлкен ауа тартқыш бар, радиатор торы аздап кішірейді, артқы жағында диффузор көзге түседі, ал газ шығару жүйесі «қос ауызды» болады.

Creta N Line реңді тежеуіш суппорты бар 18 дюймдік дөңгелек дискісімен жабдықталған. Шанағында да қызыл декор аз емес. Салон негізінен қара түсті болады. Жергілікті БАҚ машинада жаңарған аспа мен жаңа рөлдік басқару калибрі болатынын хабарлады.

Hyundai Creta N Line 160 ат күшіне ие (253 Нм) 1.5 литрлік турбомотормен жүреді. N Line-ның әдеттегі кроссоверден айырмасы, агрегат 7 сатылы роботтан бөлек 6 сатылы механикамен де жұмыс істейді. Кроссоверде толық жетекті жүйе жоқ. Сондай-ақ Creta N Line электроникасында қар, құм және балшық сынды үш жол талғамайтын жүріс режимі бар. Марка модельдің жарнама суретінде оның жолсыз жермен жүре алатын қасиетін баса көрсеткен.

Hyundai Үндістанда ең арзан Creta N Line-ды 1 682 300 рупияға (9 млн теңге) сатады, бұл баға стандарт кроссовердің орташа комплектациясымен бірдей. Модельдің екі нұсқасы шығады, беріліс қорабы мен қосымша опциясына байланысты бағасы 2 044 900 рупияға (11 млн теңге) дейін жетеді.