Мамыр қорытындысы бойынша Қазақстанда коммерциялық техниканы қосқанда 14 688 жеңіл көлік саудаланыпты. Қазақстандық автобизнес қауымдастығы бұл көрсеткіш өткен жылдан 77.2 % көп екенін хабарлады. Соңғы екі айда сатылым бойынша рекордтар жаңарды.
Биыл соңғы бес айда автосалондар 66 331 автобус, жүк көлігі мен арнайы техника сатқан. Бұл көрсеткіш былтырғыдан 65.8 % көп. Басқаша айтсақ, отандық автонарық гүлденіп тұр.
Мамырда Hyundai Chevrolet-ні тағы артта қалдырды. Hyundai 4333 автомобиль өткізсе, «шеви» сатушылар 3300 модельмен шектелді. Бірақ қаңтар-мамыр аралығында 243 көлік артық сатқан Сhevrolet алда келеді.
Үздіктер үштігін Kia түйіндеді (2198 автомобиль). Бестікке Сhery (665), Haval (626) брендтері кірді. Әдетте төртінші не бесінші орынға жайғасатын Toyota бірден жетінші орынға құлдырады. Бұл 2022 жылмен салыстырғанда 22 % аз. Қазір сұраныс жоғары он автомобильдің жартысы қытайлық марка екенін естеріңізге сала кетейік.
2023 жылғы мамыр қорытындысы бойынша жаңа автомобильдер нарығындағы үздік 10 марка
| Позиция | Марка | Продажи за май 2023 года (ед.) |
| 1 | Hyundai | 4333 |
| 2 | Chevrolet | 3300 |
| 3 | Kia | 2198 |
| 4 | Chery | 665 |
| 5 | Haval | 626 |
| 6 | Changan | 517 |
| 7 | Toyota | 500 |
| 8 | Exeed | 379 |
| 9 | Lexus | 333 |
| 10 | Geely | 258 |
Модельдер кестесінде Chevrolet Cobalt суырылып шықты. 6.2 млн теңге тұратын седан мамырда 2277 тиражбен тарады. Hyundai Tucson екі есе айырмашылықпен (1333 дана) екінші қатардан көрінді, үшінші орынды 1104 машинасы өткен Kia Sportage иеленді. Hyundai брендінің тағы екі моделі Elantra (905 дана) мен Sonata (618 дана) үздік бестік арасынан орын алды. Ал 363 данасы сатылып, тоғызыншы орынға тұрақтаған Chery Tiggo 7 Pro — тізімдегі Қытай автоөндірісінің жалғыз өкілі.
Мамырда Қостанайда Chevrolet Onix өндірісі басталатыны белгілі болды. Одан бөлек GWM концерні жаңа Tank 300 шығарады, Hyundai-нің модель гаммасы кеңейеді, ел тұрғындары i20 хэтчін сатып алу мүмкіндігіне ие болады.
Комментариев: 0