Бұған дейін АҚШ-тағы Kia EV6 иелері біріккен басқару қуаттау құрылғысынан (ICCU) шыққан ақауға байланысты шағымданған. Енді бұл мәселе брендтің отанына жетті, Hyundai Motor Group ICCU ақауына байланысты елдегі үш марка электромобильдерін кері шақырып жатыр.
Business Korea хабарлағандай, компания Kia EV6, Hyundai Ioniq 5, Ioniq 6 және Genesis GV60, GV70, G80 EV иелеріне бұл туралы хабарлама жіберді. Концерн инженерлері мәселені бағдарлама жасақтамасын қайта орнату арқылы шешеді, қажет болса ICCU блогының өзін ауыстырады.
Басылым бұл 2021 жылы E-GM платформасы іске қосылғаннан бергі ең үлкен сервистік кампания екенін хабарлады. Қазірше ол Оңтүстік Кореяда сатылған 169 932 машинаны қамтиды, бірақ алда басқа елдердегі жарты миллионға жуық автомобильге әсер етуі мүмкін.
Kia EV6-мен бір платформаны бөлісетін Hyundai Ioniq 5 Қазақстанда ресми сатылып жатыр.
Комментариев: 0