Hyundai көлікке арналған оралатын экранды көрсетті

Hyundai Mobis бөлімі алдыңғы панельдің ішкі жағына оралатын экранды таныстырды. OLED-технология пайдалану оның майыспайтын үстіңгі бөліктерін айналып өтуге мүмкіндік берді. Енді дизайнерлердің жүргізушінің жұмыс кеңістігін, жалпы салонды жабдықтауға мүмкіндігі көбірек болады.

Машинаның экраны өзгеріп отыруы мүмкін, бірақ қазір ең үлкені 30 дюйм шамасында. Көлік жүргізіп келе жатқан адамды алаңдатпау үшін экран сыртқа жартылай шығып, тек керек ақпаратты көрсетеді. Аспаптар панелінің ішіне орналастыру үшін тереңдігі 12 см қуыс керек, демек экранды кез келген темір тұлпарға орнатуға болады.

Өндірушілер оралатын OLED-экранның түрлі нұсқасын ұсынып жүр. Кей бренд теледидар сияқты, бағасы қымбат қондырғы орнатты. Бірақ компания өкілдерінің сөзінше олар жасаған құрылғы автоөндіріс саласында бұрын-соңды болмаған. Дисплейді бірінші кезекте Hyundai/Kia/Genesis модельдеріне орнатады деген сыбыс бар. Жүйені басқа автоөндірушілерге де ұсыныпты, қызыққан маркалар бар көрінеді.