Motor1.com порталы Hyundai Motor Group Намьян бас ғылыми-зерттеу институтындағы мотор әзірлейтін бөлім мамандарын қысқартқанын хабарлады. Трансмиссия құрастыратын топ енді электрлі күштік құрылым әзірлеумен айналысады, сонымен қатар аккумулятор жасайтын бөлімше құрылыпты.
Korea Economic Daily басылымы зерттеу және әзірлеу бөлімінің жаңа басшысы қызметкерлердің электронды поштасына мынадай мазмұнда хат жібергенін жазды: «Өз қолымызбен қозғалтқыш әзірлеу — үлкен жетістік, бірақ біз өткен жылдардың ауқымды активіне негізделген болашақ инновациялар дайындау үшін жүйені өзгертуге тиіспіз».
Hyundai бұл ақпаратқа қатысты ресми түсінік бермеді, дегенмен мұның шындыққа жанасатынын директорлардың ауыс-түйісі растағандай, жуырда алты жыл бұрын BMW-дан ауысқан қуатты мотор шығару маманы Альберт Бирманн қызметтен кетті.
Комментариев: 0