Automotive News Europe Чехия билігі Еуроодақтың 2035 жылға қарай бензинді және дизельді машинадан толық бас тарту жоспарын құптамайтынын хабарлады. Бұған қоршаған ортаны қорғау емес, экономика мәселесі себеп болып отыр. Автоөндіріс аталған мемлекет экономикасының үштен бір бөлігін құрайды. Мұнда құрамына Škoda кіретін Volkswagen Group зауыттары бар, сонымен қатар Toyota және Hyundai көліктері құрастырылады.
Премьер-министр Андрей Бабиш автокөлік шығару ел әлеуетінде өте маңызды рөл атқаратынын, сондықтан билік осы индустрияны сақтап қалуға бар күшін салатынын айтты. «Біз қазба отын қолданатын автокөліктерді сатуға салынған тыйымға келіспейміз. Бұл мүмкін емес. Біз адамдарды Еуропа парламентіндегі жасыл фанатиктер ойлап тапқан іспен айналысуға мәжбүрлей алмаймыз», — деп мәлімдеді Бабиш. Яғни, билік электромобильге арналған инфрақұрылымды дамытуға міндеттеледі, бірақ электрлі көлік өндірісін субсидиялауға мүдделі емес.
Саясаткердің бұл сөзін популизм деуге негіз бар сияқты, өйткені жақында Чехияда премьер-министр сайлауы өтеді. Оның үстіне 2022 жылдың екінші жартысынан бастап Чехия Еуроодаққа төрағалық етеді. Дегенмен клиент машина аларда шендінің сөзіне емес, көліктің бағасы, техникалық сипаты мен қолданыстағы шығын мөлшеріне мән береді. Егер осыны негізге алсақ, уақыт өте келе электромобиль қарт құрлық тұрғындары үшін классикалық көліктен тиімді болатыны анық.
Комментариев: 0