Hyundai Custo минивэні Алматыда шығады

Қазақстандағы Hyundai топтамасы жақында тағы бір минивэнмен толығады. Қымбаттау Staria-мен қатар арзандау 7 орынды Custo жарық көреді. Автомобиль әу баста Қытай нарығына арналған, 2021 жылы Бейжіңдегі зауыттың конвейеріне тұрды. Машина атауы атақты француз Жак-Ив Кустоның құрметіне қойылған.

1 / 5

• 
• 
• 
• 
• 

1 / 5

2023 жылы Custo Вьетнам мен Филиппин нарығына шықты, онда Custin деп аталды. Қазақстанда сатылатын машинаны Алматыдағы зауыт құрастырады. Модельдің Көлік құралының типін мақұлдау құжаты реестрде 5 сәуірде пайда болды, бірақ минивэн біздің елде қалай аталатыны әлі белгісіз. Құжатта екі атау да көрсетілген.

Custo — ұзындығы 5 метр, дөңгелек базасы 3055 мм болатын алдыңғы жетекті машина, ол бізге жақсы таныс Kia Carnival-мен бір платформаны бөліседі. Мотор гаммасында 8 сатылы автоматпен жұптасатын 170 ат күшіне ие (253 Нм) 1.5 литрлік турбомотор ғана болады деген болжам бар.

1 / 5

• 
• 
• 
• 
• 

1 / 5

Автомобиль комплектациясы туралы ақпарат жоқ. Бірақ қытайлық нұсқаның суретінен медиажүйенің үлкен тік планшетін, шағын цифрлы аспаптар панелін және беріліс қорабы селекторының орнындағы батырманы байқауға болады.

Марка өкілдері Hyundai Custo Қазақстанда қашан шығатынын жариялаған жоқ.

Custo Қытайда 169 800–218 000 юань (10.4–13.4 млн теңге) тұрады.