Hyundai Bayon Қазақстанда 11–12.7 млн теңге тұрады

Тамыздың аяғында Алматыдағы Hyundai зауыты Bayon деп аталатын жаңа модельдің сынақ ретіндегі алғашқы партиясын шығарды. Ол і20-ға негізделген шағын кроссовер. Машина қазанда сатыла бастайды, дегенмен бағасы мен комплектациясы жайлы ақпарат белгілі болды.

Bayon Қазақстанда үш жинытықта сатылады: Style, Prime және High-Tech. Бәрі 100 ат күші мен 134 Нм момент беретін 1.4 литрлік атмосфералы мотормен жүреді. Агрегат 6 сатылы автоматпен жұмыс істейді. Көлік алдыңғы жетекті.

1 / 5

• 
• 
• 
• 
• 

1 / 5

Ең арзан Style комплектациясы 11 млн теңге тұрады. Бұл сомаға галогенді оптика, екі қауіпсіздік жастығы, электронды көмекшілер, артқы көрініс камерасы, парктроник, круиз-бақылау, кілтсіз ашу жүйесі, климат-бақылау, бірнеше USB-қосқыш және медиажүйенің 8 дюймдік экраны бар, салоны матамен қапталған машина алуға болады.

Ал 11.5 млн тұратын Prime жиынтығында алдыңғы парктроник, бүйірлік қауіпсіздік жастығы мен қауіпсіздік пердесі, сымсыз қуаттау, жарықдиодты шам және 17 дюймдік (Style-ға 16 дюймдік диск орнатылады) дөңгелек дискісі бар.

1 / 4

• 
• 
• 
• 

1 / 4

Ең үздік High-Tech түрленімі 12.7 млн теңгеге сатылады. Мұндай машина цифрлы аспаптар панелі, медиажүйенің 10.25 дюймдік экраны, Bose аудиожүйесі, басқаша алдыңғы орындықтар, жарықдиодты шам, қараңғыланған артқы терезе және Hyundai Smart Sense электронды көмекшілер кешенімен (автоматты тежеу, жолақта ұстау, көрінбейтін аймақты бақылау және бейімді круиз-бақылау) жабдықталады.