Huawei Қытайда «Майбахтың» бәсекелесін көрсетті

Huawei компаниясы JAC-пен бірлесіп сәнді автомобиль сататын Maextro брендінің алғашқы моделі — Maextro S800-ді таныстырды. Ол Rolls-Royce Ghost және Mercedes-Maybach S-класс сияқты еуропалық седандармен бәсекеге түседі. Алдын ала тапсырыс қабылдау басталды, болжамды бағасы 1-1.5 миллион юань (шамамен 70-103 млн теңге) аралығында болады. Модельдің техникалық сипаттамасы туралы толық ақпарат әзірге жоқ.

Өлшемдері — 5480×2000×1536 мм, дөңгелек базасы — 3370 мм. Жаңа өнім Rolls-Royce-тың шағын седанынан сәл кіші болғанымен, ось арасындағы қашықтық бойынша ұтып тұр. Huawei басшылығының айтуынша, S800 Қытайда жасалатын автомобильдерден үлкен. Машинаның артқы қатары жолаушылар үшін жайлы болатынын артқы есігіне қарап білуге болады.

1 / 7

• 
• 
• 
• 
• 
• 
• 

1 / 7

Төрт есікті көлік ерекше дизайнымен ерекшеленеді. Ұзын капоты купе тәрізді шатырымен үйлескен. Алдыңғы бөлігі хромды тормен әрленген, ал екі түсті шанақ пен дискілерді дизайнерлер бәсекелес модельдерден көшіріп алғандай. S800-дің жарық техникасы үш деңгейлі компоненттерден бөлек, жарқылдайтын панель алды. Артқы бөлігі мен жылжымалы есік тұтқасы да ұқсас дизайнда жасалған.

Компания седанның интерьерін жасырып отыр, бірақ артқы орындықтардың үстіңгі бөлігін көрсететін бір сурет жариялады. Huawei-мен байланысын ескерсек, көлікте заманауи мультимедиа мен сенсорлы экрандар көп болатын сияқты. Серіктестер Maextro S800 моделі Tuling деп аталатын жаңа интеллектуалды платформаға негізделетінін және автономды басқару саласындағы инновациялық технологиялармен жабдықталатынын хабарлады.

Maextro S800 2025 жылы саудаға шығады.