Huawei мен Chery жаңа электрлі седанын таныстырды

Huawei Chery концернімен бірлесіп жасаған жаңа Luxeed брендінің алғашқы моделін ресми көрсетті. Электрлі седан екі күштік құрылыммен, үш түрлі батареямен және өздігінен тұраққа қоюға мүмкіндік беретін жартылай автономды басқарудың жақсарған кешенімен жабдықталады. Қытайдағы бағасы 249 800 юаньнан (16 млнтеңге) басталады.

Дөңгелек базасы 2950 мм болатын жаңа модельдің габариты — 4971×1963×1474 мм. Chery-дің Sterra/Exlantis электрокар топтамасына пайдаланатын платформасына негізделеді. Байсалды дизайн мен купе тәрізді шанақ Tesla Model S пен Porsche Taycan-нан жақсы ауа кедергісі коэффициентін (0.203) қамтамасыз етеді.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Аэродинамика ұзақ қашықтықты еңсеруге мүмкіндік беретін факторлардың біріне айналды. 100 киловатт батарея және артқы осьтегі 292 ат күшін беретін мотор көмегімен машина 855 км-ге дейін жол жүреді. Бір моторлы Luxeed S7-нің жүріс қоры 550 және 705 шақырымға жететін, 62 және 82 кВт⋅сағ батареялы қолжетімді нұсқалары бар. Жалпы қуаты 496 ат күшін құрайтын ең қымбат седан екі қозғалтқышпен жүреді, бірақ құны базалық нұсқасынан 100 мың юань жоғары. Толық тәуелсіз аспа пневмоэлементтер мен бейімді амортизатордан тұрады.

Chery шассиді, мотор электроникасын және өндіруді қолға алса, Huawei мультимедиа және жоғары технологиялы шешімдермен қамтамасыз етеді. Мысалы, компания Luxeed S7 үшін лидардан, 11 камерадан және әртүрлі 15 радардан тұратын ерекше автономды басқару кешенін жасады. Соның арқасында S7 тұрақ орнын өзі таба алады, бірақ бұл функция барлық тұрақта қолжетімді болмайды және тек 2024 жылы ғана пайда болады.

1 / 18

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 18

S7 үшін арнайы әзірленген операциялық жүйенің нұсқасы Huawei гаджеттерімен, соның ішінде телефонмен ғана емес, дронның камерасындағы кескінді электрокардың орталық дисплейінде көруге болатындай жіксіз байланысты қамтамасыз етеді. Медиажүйеге кіріккен ойындар мен жақсарған дауысты көмекші де болады.

Huawei компаниясының Aito атты басқа автомобиль бренді қазіргі уақытта тек әртүрлі өлшемді кроссовер шығарады. Компания Luxeed S7-ні солармен бірге сатуды жоспарлап отыр. Ал S7 бәсекелестерінің арасында Қытайда бұрыннан белгілі электрокарлардан бөлек өлшемі мен сипаттамасы жағынан жаңа өнімге ұқсас IT саласындағы тағы бір алпауыт Xiaomi-дің алғашқы өнімі — SU7 седаны болады.