Huawei Aito M9 кроссоверінің бағасын жариялады

Қытайлық IT-гигант Huawei Гуанчжоуда Aito брендінің флагманы болатын жаңа моделін таныстырды. Компания жаңа өнімнің кейбір техникалық сипаттамасын жариялады, бірақ интерьерін көрсеткен жоқ. Бірақ 500–600 мың юаньнан (32.2–38.7 млн теңге) алдын ала тапсырыс қабылдап жатыр.

Жол талғамайтын көліктің өлшемі — 5230×1999×1800 мм, дөңгелек базасы — 3110 мм. Кроссоверді көлемі бойынша ірі Қытай минивэндерімен салыстыруға болады. Aito M9-дың екі және үш қатарлы нұсқасы шығуы мүмкін.

1 / 9

• 
• 
• 
• 
• 
• 
• 
• 
• 

1 / 9

Сырт пішіні Mercedes-Benz GLS-ты еске салады, бірақ 22 дюймдік дөңгелегі мен оптикасы өзгеше. Шамдарының пиксельді секциясы бар. Сондай-ақ Aito M9 үздік автономды басқару жүйесімен жабдықталған.

Марка кроссоверді Қытайда екі түрлі күштік құрылыммен сатады. Екеуі де электрлі, екі мотордан тұрады, олар қуаты және энергия сақтау тәсілімен ерекшеленеді. Біріншісінде алдыңғы осьтегі 218 күшке ие мотор, арт жақтағы 313 ат күшіне ие мотор және 98 киловатт CATL батареясы бар. Мұндай Aito M9-дың жүріс қоры 630 км болады.

Екініші нұсқаның батареясы шағын (40 кВт/сағ). Екі мотор сәйкесінше 224 және 152 ат күшін береді. Жүріс қоры 175 км ғана. Бірақ бұл кроссоверде энергия бөлетін 1.5 литрлік (152 ат күші) дәстүрлі мотор болады, соның арқасында ол әдеттегі электрокарға қарағанда ұзақ жол жүре алады. Қазірше нақты мәлімет жоқ.

Жаңа өнімді Huawei серіктесі Seres құрастырады. Aito M9 биыл желтоқсанда саудаға шығады.

Бұған дейін гаджет шығаратын тағы бір Кытай компаниясы Xiaomi алғашқы электрокарын көрсеткен. Бес метрлік SU7 седаны 673 ат күшіне ие электромотормен жүреді.