Гибрид от Huawei

Huawei гибрид шығарды

Кроссовер Шанхайдағы автосалонда көрсетілді.

2020 жылы смартфон шығаратын әйгілі компания DriveOne деген электромобиль платформасы сияқты әлденені таныстырған. Ол электрлі мотордан, борттық қуаттау құрылғысынан, тұрақты токты түрлендіргіш пен басқару блоктарынан тұрады.

Енді, биыл көктемде Қытайда DriveOne платформасында жасалған алғашқы көлікті алуға мүмкіндік бар. Huawei-дің ресми дүкендерінде сатылатын машинаның бағасы 33.4 мың доллардан басталады.

Көркі көз тартпайтын, көлемі Audi Q5-ке жақын кроссовер Seres SF5 деп аталады. Cyrus компаниясы жасаған көлік толыққанды электромобиль емес, гибрид. Капот астына генератор қызметін атқаратын 1.5 литрлік мотор орнатылған. SF5 екі электромотор арқылы қозғалады. Жалпы 551 ат күшін (820 Нм) береді. Іштен жанатын қозғалтқышсыз 180 шақырым жүре алады, ал бак бензинге толы болса, мың шақырымды еркін еңсереді.

Гибрид от Huawei

Салонда Huawei мамандары жасаған мультимедиа кешенінің планшеті бар. Ортаңғы панельдегі экран Harmony OS-пен жұмыс істейді. Деректер смартфоннан көлікке Huawei HiCar Smart Connection арқылы беріледі, ал борттық жүйе Huawei Smart Cockpit көмегімен басқарылады.

Көмекшілер тізімінде автоматты тежеу, бейімді круиз-бақылау, жолақта ұстап қалу функциялары бар. Одан бөлек SF5-ке бірнеше камера, ультрадыбысты сенсор және радар орнатылған.

Гибрид от Huawei

Комментариев: 0

Чтобы оставить комментарий, вам необходимо зарегистрироваться или авторизоваться.