Hongqi ерекше жетістігі туралы хабарлады. Гибрид HS6 кроссовері Гиннестің рекордтар кітабына әлемдегі жүріс қоры ең көп бензоэлектрлі кроссовер ретінде енді. Сынақ кезінде автомобиль қайта қуаттаусыз әрі жанармай құймай 2327.343 шақырымды еңсерді.
Hongqi HS6 полигонда емес, жалпы жолда жүрді. 30 қазанда машина Шангри-Ладан шығып, 3 қарашада Гуанчжоуға жетті, ауа райы мен жол жағдайы әртүрлі жерлерді жүріп өтті. Былтыр жазда Гиннес сарапшылары бұл титулды Chery Fulwin T10 кроссоверіне берген, бірақ оның көрсеткіші 2100 км еді. HS6 да осы бағытты таңдапты.
Ұзындығы — 4925 мм, дөңгелек базасы 2925 мм Hongqi HS6 алғашқы кезеңде тек бес орынды салонмен саудаланады. Автомобиль қазіргі Hongqi модельдеріне ұқсайды, тек радиатор торының орнына бүтін панель тұр. Сәнді салоны шағын аспаптар панелімен, екі үлкен медиадисплеймен ерекшеленеді.
HS6 бірнеше гибрид күштік құрылыммен жабдықталады, барлығы 150 ат күшін беретін 1.5 литрлік бензинді моторға негізделген. Ол батареяны қуаттай алады, алдыңғы дөңгелектерді де айналдырады. Агрегат бір немесе екі электрмотормен жұптаса жұмыс істейді, нәтижесінде жалпы қуаты 228 (340 Нм) немесе 502 (646 Нм) ат күшіне жетеді. Аккумулятор сыйымдылығы — 23.9 немесе 39.5 кВт∙сағ. Қозғалтқыш пен батарея түріне қарай кроссовер электр қуатымен 148–248 км, жалпы 1460–1650 км қозғалады.
Гибридтің бағасы әзірге белгісіз. Қытайда 15 қарашада белгілі болады.
Комментариев: 0