Рекорд орнатқан Hongqi гибридінің бағасы белгілі болды

Hongqi Қытайда жаңа HS6 гибридіне алдын ала тапсырыс қабылдай бастады. Бес есікті модель қозғалтқыш саны мен батарея сыйымдылығы әртүрлі үш нұсқада саудаланады. Бағасы 178 800–228 800 юань (13.1–16.8 млн теңге) аралығында.

HS6-ның өлшемдері — 4925×1970×1740 мм, дөңгелек базасы — 2925 мм. Салоны тек екі қатарлы. Жүксалғыш көлемі — 503-1977 литр. Төрт түрлі шанақ түсі бар, олардың ішінде сұр-жасыл реңк көзге түседі.

1 / 17

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 17

Кроссовердің экстерьері радиатор торының орнындағы тұтас панельмен, интерьері тұнықтығы 2.5K болатын 15.6 дюймдік ортаңғы және жолаушы дисплейлерімен ерекшеленеді. Медиажүйе Snapdragon 8295P чипіне негізделген және жасанды интеллектісі бар дауыстық көмекшімен жабдықталған. HS6-ның жабдықтар тізіміне үш аймақты климат-бақылау, барлық орындықты жылытқыш пен желдеткіш, Dynaudio акустикасы, ауданы 1.38 м² панорамалы шатыр және 2–50 градус температураны ұстай алатын 6 литрлік термобокс кіреді. Оны қосымша арқылы басқаруға болады.

1 / 8

• 
• 
• 
• 
• 
• 
• 
• 

1 / 8

Базалық нұсқа 150 ат күшіне ие 1.5 литрлік қозғалтқыш және жалпы қуатты 306 ат күшіне дейін арттыратын электромотормен жүреді. Ең қымбат түрленімнің артқы осінде қосымша электромотор тұрады, сонда жалпы қуаты 502 ат күшіне жетеді. Батареясы да екеу (23 және 40 кВт·сағ). Алдыңғы жетекті HS6 аккумуляторына байланысты 148 немесе 248 шақырым еңсереді, толық жүріс қоры — 1580 немесе 1650 км. Үш моторлы автомобильдің көрсеткіштері — 228 және 1460 км.

Қытайда HS6-ның негізгі бәсекелестері — Geely Galaxy M9, FangChengBao Titanium 7 және Chery Fulwin T10.

Бірнеше күн бұрын Hongqi кроссовері сынақ кезінде Шангри-Ладан Гуанчжоуға дейін 2327.343 км жүрді. Жолға батарея сыйымдылығы жоғары, моножетекті HS6 шыққан болса керек. Модель Гиннестің рекордтар кітабына әлемдегі жүріс қоры ең көп гибрид кроссовер ретінде енді.